Dia's POV
Nagising ako na nakahiga sa kama ni Pieter. Doon na pala ako nakatulog habang nakikipag-kuwentuhan sa kanya kagabi. Nakaupo na lang tuloy siyang nakatulog ngayon. Nakakahiya, inagawan ko pa tuloy siya ng tulugan. Bumangon na ako. Hindi ko na siya ginising para tuloy-tuloy ang tulog niya, para din mas lumakas pa siya lalo dahil alam kong napagod siya sa mga nangyari kagabi.
Napatitig ako sa kanya. Mabuti na lang at malakas pa rin ang loob niya sa dami ng paghihirap na pinagdadaanan niya ngayon. Hanggang ngayon, patuloy pa rin siyang nakikipag-bakbakan sa mga taga-Ultricularia. Pilit siya nitong kinukuhanan ng mga mahal sa buhay. Pilit siyang pinalulungkot. Bakit kaya? Ano ba ang kasalanan nila at masyado silang galit kina Pieter?
Kapag lumakas ako ay siya ang unang-una kong t
