Sapphire’s Pov
NAKARATING kami sa bansang Turkey at nandito kami sa isang hotel na pagmamay-ari daw ng asawa kong si Percival. Ngayon ko lang nalaman kung hindi pa sinabi sa ‘kin ni Magnus. Hindi din naman kasi sinabi ni Percival sa ‘kin.
Hindi lang hotel ang meron siya dito sa Turkey dahil pati mga beach resort ay meron din daw siya. Balak nga akong ilibot ni Magnus do’n ngunit hindi ako pumayag dahil may gusto akong puntahan at yun ay ang asawa ko. Kailangan ko na siyang makita kahit sa malayuan man lang.
Nami-miss ko na kasi talaga siya. Kaya kahit masakit na makita siyang may kasamang babae ay ayos lang. Basta masiguro kong siya yun, baka kasi kamukha lang pala ng asawa ko at nagkamali lang sila sir Atticus.
Nasa hotel room kami at pinagpahinga lang nila ako saglit. Nang medyo ay
