SA OSPITAL na nagkamalay si Diosa. Agad kinumpirma ng malungkot na mukha ni Nanay Belen na wala na ang baby niya. Wala nang nagawa si Diosa kundi tahimik na umiyak. Ang daming sinabi ni Nanay Belen tungkol sa pagbubuntis at sa posibilidad na pagkawala ng bata. Hindi lang daw siya ang nag-iisang nakaranas niyon—hindi na naintindihan ni Diosa ang mga sinasabi nito.
Wala pa siya ni isang kinausap mula nang magising. Hindi niya gustong magsalita. Gusto lang niyang umiyak nang umiyak hanggang mailabas niya lahat ng bigat sa dibdib. Hindi siya maiintindihan ng mga tao sa kanyang paligid. Wala ni isa ang makakaintindi sa nararamdaman niya.
Maging nang ipinaliwanag ng doctor na spontaneous abortion ang nangyari sa kanya, na nangyayari daw talaga at hindi maiiwasan, ay tu
