JACKLYN
Hindi naman mataba si Ate Yna, medyo malaman lang siya pero bagay naman sa kanya. Parang kahit tumaba pa siya ay hindi kukupas ang ganda niya.
Ngayon nga ay nagtimpla ako ng gatas niya, paakyat na ako nang makarinig kami ng dumadagundong na hiyaw.
Napahangos ako at muntik ko nang mabitawan ang hawak kong baso ng gatas dahil sa gulat. Nanginig ang laman ko sa nakakatakot na pagsigaw na iyon na alam kong si Ate Yna. Ang lakas ng t***k ng puso ko.
Pagdating ko sa itaas ay siyang labasan ng mga tao sa kani-kanilang kwarto. Naunang lumapit si Kuya Arkin kay Ate Serena na ngayon ay namumutla at pawis na pawis habang mahigpit na nakakapit sa stand table na malapit sa kwartong inookupa niya.
"Sena! Oh God what happened? Anong masakit sa'yo?" agad na tanong ni Kuya Arkin, natataranta d
