ZENY’S POV
DAHAN-DAHAN NIYANG IMINULAT ANG MGA MATA.Sa una ay malabo ngunit kalaunan ay lumilinaw na. Nanuot na yata ang lahat ng lamig sa sementong kinahihigaan niya kahit pa nakasuot siya ng pantalon at t-shirt. Natigilan siya sa unti-unting pagbangon ng maramdaman ang sakit mula sa kanyang pulsuhan at napagtantong nakatali pala ang dalawa niyang kamay.
Inilibot niya ang paningin sa buong silid. Ang tahimik na kuwadradong lugar na iyon ay napaka-tahimik na ikina-nuot ng noo niya.
Ano ang ginagawa ko dito? Ano ang lugar na ito?
Mayamaya pa ay may narinig siyang mga boses ng lalaki malapit sa pinto ng silid na iyon.
Si Lenard?! Nasaan na ang asawa ko?
Agad niyang idinikit ang sarili sa pader malapit sa pinto upang marinig ang usapan ng mga taong nasa labas.
“Pare, baka naman pwedeng
