HINDI alam ni Gwen ang kanyang gagawin para siyang pako na nakabaon sa isang kahoy hindi siya makagalaw.
"I met your ex Gwen. Dalawang beses na. Siya ang naglagay ng mga bulaklak at stuff toy sa harap ng pinto mo na ibinibintang mo sa akin noong huling mag-usap tayo."
Lalong lumalim ang pagkakakunot noo ni Gwen nang marinig ang sinabi ni Tyler.
"D-dalawang beses mong nakausap si Bernard?"
Napailing ito.
"Sabi na nga ba magiging interesado ka, eh."
"Hindi nga?"
"Oo. Noong una, pumunta siya sa shop mo pero hindi ka niya kinausap. Ako muna ang nakausap niya noon. Ako ang napagtanungan niya kung dito nga ang bahay mo. Kasi may nakapagsabi raw na dito ka nakatira. Pero hindi niya alam na nasa likod lang ng shop mo ang bago mong bahay kaya tinanong niya ako. Tinanong ko siya kung kaanu-
