"BUMALIK ka dito!.." sigaw ni Luke habang hawak-hawak ang tagiliran nitong duguan. Dahan-dahan nitong inangat ang katawan at pa ikaikang lumakad papalapit sa baril. Pinulot niya ito at pinaputukan ang tumatakbong si Mr. Tan.
Napaluhod ang matanda ng madaplisan ng bala ang kaliwang binti nito. Ngunit matapang itong tumayo at patuloy sa pagtakbo. Muling kinalabit ni Luke ang hawak na baril at sa mga oras na iyon ay tinamaan na ang kanyang hita. Natumba si Mr. Tan at nilapitan ito ng nakangising si Luke.
"Sabi ko naman sayo hindi mo ako matatakasan Mr. Tan. Ayan tingnan mo tuloy ang nangyari sa iyo."
"Hayop ka talaga. Pagbabayaran mo itong ginawa mo sa akin," wika ni Mr. Tan.
"Hay, kung ako sayo, hindi na ako mag tatapang-tapangan pa. Hawak ko na ang buhay mo tanda. Pede kitang patayin
