Mabuti na lang at mukhang hindi napansin ni Rob ang tumatakbo sa isip ni Daisy dahil ngumiti lang ang binata at sinabing, “I know.” Hinatak na siya nito patungo sa open area na may malaking stage sa isang bahagi. Marami nang tao sa mga mesang nakakalat sa paligid. At mukhang ang ibang bisita roon ay kilala sila ni Rob dahil napansin ni Daisy ang kakaibang tingin na ipinupukol ng mga tao sa kanilang dalawa. Minsan talaga ay hindi siya makapaniwala kung gaano karaming mayaman ang mahilig magbasa ng showbiz section ng mga tabloid. Hindi na lang niya pinansin ang mga taong iyon dahil kahit si Rob ay ni hindi sumulyap. Deretso ang tingin ng binata sa mga mesa na pinakamalapit sa stage. Ngayong palapit na sila ay napansin ni Daisy na may naggagandahang mga lalaki at babae.
Isa sa mga lalaki na
