Pagkagising ko ay nangunot ang aking noo. Wala kasing Kazimir na bumungad sa umaga ko kaya nakakapagtaka. Dati-dati kasi ay kapag nagigising ako, lumilitaw kaagad si Kazimir para halikan ang aking noo o kaya naman ay labi. Kaya bakit wala siya ngayon?
Kinusot ko ang aking mga mata at napahugot na lang nang malalim na hininga. Naging maayos naman ang pagtulog ko dahil walang gumugulong tanong sa aking isipan pero nakakapagtaka lang kasi kung bakit wala si Kazimir ngayon. Possible namang kumuha siya ng prutas para kainin namin pero wala talaga akong marinig na kahit anong kaluskos.
"Azi?" bulong ko at sinubukang tumayo.
Baka naglakad-lakad siya rito ngayon sa isla. Hindi naman impossible kasi iyon dahil malawak naman ang mala paraisong isla na ito.
Kaso sa aking paglilibot, wala akong na
