PATAY ang lahat ng ilaw sa apartment ni Sylve. Nakabukas na laptop ni Keith ang tanging nagbibigay liwanag. Tama ang lalaki na nakatulong sa kaniya ang pagtulog. Napahinga kahit papaano ang utak niya at naging kalmado siya. Kaya ngayon, habang magkatabi silang nakasalampak sa sahig pasandal sa sofa at magkalingkis ang kanilang mga daliri, nagawa niyang sabihin dito ang naging sagutan nila kanina ng tatay at ate niya.
Habang binabalikan ni Sylve ang nangyari lalo siya nanliliit sa hiya at guilt. Kasi naging bastos at mapanakit ang pananalita niya sa kanyang ama. Kahit pa hindi perpekto ang tatay niya at hindi naging good provider sa kanila, naging mabait naman ito sa sarili nitong paraan. Naging emotional support niya ito noong panahong nagluluksa siya. Higit sa lahat, naging mabuting lol
