AKALA ni Sylve magiging emotionally drained siya pagkatapos nila mag-iyakan ni Yona. Namamaga pa nga ang mga mata nilang mag-ina hanggang ngayon. Kahit si Keith namumula ang mga mata sa kakapigil maiyak kanina. Pero kabaligtaran ang nangyari. Na refresh siya at gumaan ang pakiramdam. Iyong tipong kahit malapit na gumabi parang bagong gising siya. Siguro kasi wala na siyang itinatago sa anak niya.
Pumasok siya sandali sa kuwarto kasi parang tumutunog kanina ang cellphone niya pero hindi niya pinansin kasi nga nasa kalagitnaan sila ng pag-uusap na tatlo. Kumunot ang noo niya nang makitang maraming missed calls at unread messages galing kay ate Abby. Magbabasa na sana siya ng text nang marinig niya ang matinis na halakhak ng anak niya mula sa sala. Nawala ang atensiyon niya sa gadget at mab
