GEORGE
Habang lulan ng kotse nito ay binabagtas namin ang daan patungo sa lugar kung saan sinabi niya na pupuntahan namin.
Hinatid lang namin si Syro sa bahay ng magulang nito saka kami umalis. Mabuti naman at napakiusapan ko si Syro na iwanan muna ito sa lola at lolo nito na sabik na makapiling ang apo. Nang lumuwas kami ng Maynila ay dumiretso kami sa magulang ni Syke pagkagaling sa mga kuya ko para ipakita ang unang apo ng mga ito.
Labis ang tuwa ng magulang ni Syke nang makita si Syro. Halos hindi na nga nila ito pakawalan. Ang gusto nga nila ay doon na kami tumira. Hindi lang pumayag si Syke bagay na sinang-ayunan ko naman. Mas maganda na iyong may privacy kaming dalawa.
Humingi rin sila ng tawad sa akin dahil sa nangyari. Para sa akin naman ay hindi nila iyon kasalanan. Lahat
