GEORGE
Habang nasa mall at naglalakad ay hindi ko maiwasan ang mapangiti. Hindi pa rin ako makapaniwala na muli kong kasama si Syke. Heto nga at pupuntahan ko ang mag-ama ko sa children's playground.
Tatlong araw na ang nakalipas ng sinama kami ni Syke dito sa Maynila. Sa tatlong araw na iyon ay hindi ko mapaghiwalay ang dalawa. Parating magkadikit ang mag-ama bagay na ikinatuwa ko.
Nang bumalik ako sa bahay ay kasama ko na si Syke. Labis ang tuwa ni Syro nang makita niyang kasama ko si Syke. Kinausap naming dalawa ni Syke ang anak namin sa paraan na maiintindihan nito ang lahat. Sa huli, labis ang tuwa ni Syro ng nalaman niya na ama pala niya ang tinawag niyang tito.
Hindi ko na rin nagawang makausap si Archie dahil ng mismong araw na iyon ay sinama na kami ni Syke sa Maynila. Gust
