SYKE
Malalim na ang gabi kaya halos marami na rin ang pumapasok sa bar. Halos karamihan na pumapasok ay napapatingin sa gawi namin. Nasa counter bar kami at ang mga kaibigan ko na wala naman pakialam sa mga napapatingin sa amin.
Bilib ako sa mga kaibigan ko. Loyal talaga sila sa mga asawa nila kaya hindi nila magawang tumingin man lang sa iba. Bilib din ako sa asawa ng mga ito. May tiwala sila sa mga kaibigan ko kaya nagagawa nilang payagan na lumabas ang mga ito. Alam kasi nila na hindi gagawa ang mga ito na ikasasama ng loob nila.
Nagpakawala ako ng malalim na buntong-hininga dahilan para lumingon ang tatlo sa gawi ko.
"Ang lalim. Baka malunod ka n'yan, dude," puna sa akin ni Zick. Ngumiti lamang ako saka tinungga ang laman ng shot glass.
"I was wondering, kung hindi kami magpin
