SYKE
Kanina pa ako nababahala sa pagiging tahimik ng katabi ko. Alam ko na may dinadamdam ito. Naninibago ako dahil bukod sa hindi na nga ako magawang tapunan nito ng tingin, hindi pa ako kinakausap. Tinatanong ko naman ito kung ano ang gusto ngunit parati naman ang sagot nito ay busog na raw ito.
Nakikipag-usap naman ito sa magulang ko pero sa akin ay ang tipid ng sagot nito. Mukhang hindi maganda ang dinner na ito lalo na at hindi ko inaasahan na darating si Stephanie. Wala naman nabanggit sa akin ang magulang ko na inimbitahan nila si Steph.
Kung tutuusin ay hindi talaga ito imbitado dahil gusto kong mapalapit ang loob ni George sa magulang ko. Oo nga at hindi ako nahirapan na paglapitin ang tatlong importante sa buhay ko pero iba pa rin kapag nagkausap sila ng masinsinan. Gusto ko
