SININDIHAN ni Maria Amor ang itim na kandilang bigay ni Luna at saka iyon itinulos sa sentro ng mesang pinalilibutan ng grupo. Pagkuwa’y sinimulan na niya ang chant na pinakabisado sa kaniya noon ng kakambal.
“James, narito kaming muli at nagtitipon para hilinging makausap ka kahit sandali. Kailangan ka namin ngayon. We need to ask you something. Alam naming kailangan ng kaluluwa mo ang hustisya at nakahanda kaming tulungan kang makamit iyon. Pero kailangan mong makipagtulungan, James. Halika, huwag kang matakot…”
“Narito ang limbo na pumapagitan sa buhay at kamatayan. Sundan mo ang liwanag na iyong nakikita. Huwag kang matakot. Narito kami at naghihintay sa’yo. Hindi ka maaano. We just want to see and talk to you, James…”
“Amor, sorry…wala pa rin…ni hindi ko siya makita. Wala
