NANANG, ano ‘yun?” Napalabas ng silid si Amor nang makarinig ng malakas na tugtog. Saktong dumadaan naman si Nana Pacita kaya tinanong niya ito.
“Mga bisita ni Miguel. Nagkakasiyahan siguro.”
Pinanlakihan niya ng mga mata ang matanda. “Anong siguro, Manang? Ang lakas-lakas ng tugtog nila! Hindi ba nila alam kung anong oras na?”
“E pabayaan na natin at ngayon lang naman ‘yan. Ito kasing si Jerry ang nakiusap sa akin dahil sorpresa daw niya sa kaibigan niya ang mga ‘yan. Ewan ko ba at pati pala mga tao ngayon, ginagawa na ring sorpresa.”
Saglit siyang napaisip sa sinabi ni Nana Pacita. Tao? Sorpresa?
Pagkuwa’y mabibilis ang mga hakbang na nilapitan niya ang kabilang silid. Kumatok siya nang sunud-sunod sa kabila ng pagpigil ni Nana Pacita. Tiyak na sa lakas ng tugtog na nagmumula sa lo
