MAAGANG NAGISING ang magkakaibigan upang magprepara para sa event mamayang gabi. Kaagad na gumayak ang mga ito kasama si Riley upang magtungo sa spa. Gusto kasi nina Dash na maayos ang pakiramdam ni Riley at para na rin hindi ito makaramdam ng pressure. Nagpamasahe pa sila na tumagal lang ng dalawang oras. Pagkaraan noon ay nagpa-salon naman sila. Ang mga kaibigan niya ay mga nagpa-hairspa habang siya naman ay pinaayusan ng mga kuko sa mga kamay at paa. Sina Dein at Stella ang nasunod sa kulay ng kuko niya habang si Dash naman sa buhok.
"Maganda na ba ang nude color sa kuko niya?" tanong ni Stella na mukhang hindi pa rin kuntento sa kulay na napili kanina. hawak nito ang booklet kung saan may mga pallet na pwedeng pagpilian.
"Ayos na iyan, no! Iyan na nga at pinatutuyo na," ani Dein. In
