WILLIAM MILLER
Hindi ako makapaniwala sa sinabi sa akin ng aking imbestigador. Malaki ang posibilidad na buhay si Airam at siya ay si Mary. Malakas ang kutob ko na iisa lang sila, pero bakit kailangan niyang mag lihim sa akin. Gusto kong malaman kung bakit sila ngayon magkasama ni Steve. Uunahin ko munang alamin ang katotohanan tungkol kay Airam. Nakatakda kong ipahukay ang bangkay niya sa isang lingo para ipa DNA. Kapag napatunayan ko na si Airam at Mary ay iisa, aalamin ko kung bakit nagawa niya akong lokohin at iwan? Kung bakit magkasama sila ni Steve?
Ang bigat ng aking pakiramdam, mixed emotion ang aking nararamdaman. Tumayo ako sa aking swivel chair at kinuha ko ang aking coat at susi na nakalapag sa table ko. Lumabas ako ng opisina ko at nakita ko na magkasama sina Steve at Mary.
