KINABUKASAN maaga akong nagising. Baka kasi biglang dumating ang amo ko. Nagpaalam na rin ako kay inay. Nagulat pa nga ako nang sabihin ni inay na alam ma nitong doon ako magtatrabaho sa bahay ni senyorito Blake.
Iyon pala ay nabanggit na sa kanya ni senyorito Blake. At ganoon din sa ina nitong Si Mrs. Martinez. Ako na lang pala ang nahuhuli sa balita.
Ngayon ay kasalukuyan kaming nagbibiyahe papunta sa bahay nito. Pansin ko'y mainit na naman ang bungo nito. Tila sasabog na naman ang bulkang pinatubo oras na kausapin ito. Kaya naman hindi na lang ako nagsalita. Kahit nga paghinga ay parang gusto kong pigilan, baka kasi punahin ako ng binata.
Pagdating sa bahay nito ay wala pa rin itong imik. Lumabas ito ng kotse at tuloy-tuloy na pumasok sa kabahayan at tila walang kasama. Nakaka-inis l
