Dalawang linggo ang matuling lumipas. At dahil sa katigasan ng ulo ni Jia, ay dalawang linggo na rin itong balik sa trabaho. Kinabukasan kasi ay hindi man lang nito nakuhang magpahinga. Kahit kasi anong pilit nilang kumbinsihin ito na tumigil na sa trabaho ay hindi ito pumapayag.
Sa tuwing wala pa naman ito sa paningin niya ay parati na lang siyang nag-aalala para dito. Lalo na kung gabing-gabi na ay wala pa rin ito. Katulad na lang ngayon.
Nasa labas siya ng bahay at hinihintay ang pagdating ng dalaga. Si Brent ay nasa Makati dahil may kailangan daw itong asikasuhin. Hindi niya na itinanong kung ano dahil may sarili din naman itong buhay. Hindi porket nakatira ito sa kaniya at nagtatrabaho ay kailangan niya nang usisahin ang mga gagawin nito.
Napatingin ulit si Michael sa wristwatch
