NANATILING palaisipan sa kaniya ang mga sinabi ni Mrs. Herrera tungkol kay Ronnie. Iniisip niya na kung sakaling dumating nga ang pagkakataon na maka-loveteam niya si Renz sa isang project, ay posibleng makaapekto ito sa relasyon nila ngayon ni Ronnie. Lalo na't magkamukhang-magkamukha ang dalawa. Pero bakit naman nito paghihimasukan ang kaniyang karera sa vlogging na kasama si Ronnie? Paano na ang pangako niya kay Ronnie na tuloy pa rin ang collaboration nilang dalawa anuman ang mangyari? At bakit parang kay ilap sa kaniya ng kasiyahan? Na 'yung akala niyang nagagawa niya na lahat ng nais niyang gawin ngayong nandito na siya sa Manila ay bakit tila may hadlang pa rin?
Nanatiling lumilipad ang isip niya. Hindi niya alam kung saan ba siya lulugar ngayon. Mahal niya si Ronnie at ayaw niyang
