SA PAGKAMATAY ni Francine Toledo ay ang siyang pangungulila rin ni Renz Joaquin na talaga namang may espesyal na nararamdaman para sa dalaga. Subalit, kung paano naman mangulila ngayon si Renz at ang pamilya ni Francine Toledo ay ang pag-aalala ngayon ni Lanie gayong hindi ibinasura ang kaso tungkol sa pagkamatay ni Francine Toledo, dahil na rin sa pagdi-demand ng pamilya nito na mas palawakin pa ang imbestigasyon.
"Lanie, please, kumalma ka nga," ang sabi ni Eunice habang nakatambay sila sa maliit na balkonahe ng condo nito.
"Paano ako kakalma gayong binuksan ulit ang imbestigasyon ng pamilya ni Francine? What if this time ay may lumabas ng ebidensya?"
Hindi maiwasang mapailing ni Eunice sa kagagahan ng kaniyang kaibigan. "Hay, ikaw naman kasi, ano ba kasing gulo 'tong pinasok mo, La
