CHAPTER 112
Dahil doon, nagsimula na akong solong nag-imbestiga. Wala akong sapat na ebidensiya para sabihing may ginagawa si Kai na hindi maganda kay Zeke. Hangga’t wala akong alam kung anong nangyari kay Zeke, wala akong karapatang magbintang. Ni hindi ko alam kung kay Zeke galling ang text noon na nagpapatulong o mga tawag na di ko nagawang masagot. Number ni Kai ang ginamit oo at pwede lang niyang sabihing sa kanya galing.
Kahit pa ayaw ni Zeke na ipasabi sa mga magulang niya ang nangyari ay kinausap ko pa rin ang Mommy niya. Sinabi kong hindi na nakatira si Zeke sa suite at nasa bandang Ternate na.
Agad niyang tinawagan ang driver bodyguard nito para alamin kung saan lumipat ang anak pati na sina Lena at Cindy.
“Lena at Cindy ho?” tanong ko.
“Si Lena at Cindy ay mga bodyguard ko
