Chapter 101
Ilang araw kaya akong magiging ganito? Ilang linggo, buwan o taon na mananatili ang scandal ko sa internet? Ilang linggong ibabalita ito sa mga pahayagan at TV? Alam kong maraming mga reporters na ngayon ang nag-aabang sa mga pahayag ko. Gusto nilang malaman ang kuwento ko. Sumilip ako sa aming bintana. Naroon pa rin ang kotse ni Zeke ngunit wala na si Kai. Tinawagan ko ang guwardiya ng aming subdivision na walang papasuking reporter pero nagulat ako sa sinabi ng guard na nasabihan na raw sila ni Zeke nang isang araw pa na hindi magpapasok na kahit sino kung ang sadya ay si Zeke. Ang ipinagtataka ko lang, paanong nakalusot si Kai? Alam kong gumamit na naman siya ng pera para makalusot. Nang nagta-trabaho ako sa kanya, kahit magkano ang magastos niya, magawa lang niya ang gusto
