EWAN ko kung ano ang pumasok sa kukote ko at bigla kong nasabi iyon. Para kasing naaawa ako sa pinsan niya. At parang ako si Gideon in the future.
"P-Pasensiya ka na. Nabigla lang ako." Sabi ko.
Tinitigan lang ako ni Jasper. Saka ako nagmamadaling lumabas ng silid niya. Kumakabog pa ang dibdib ko sa nerbiyos. Nagsisisi tuloy ako bakit ko pa siya sinagot ng ganoon.
Nasa kusina sina Gideon at Tatay Baron nang mabungaran ko. Napatuon ang pansin nila sa akin nang maramdaman ang presensiya ko.
"S-Salamat Gideon. Sa pag-check sa amin." Nasabi ko. Hindi naman ako puwedeng mag-sorry sa kanya para kay Jasper, eh.
Ngumiti lang siya at muling binalingan si Tatay. "Sige po, Tay, next time na lang po ulit. May emergency lang talaga si Doc Manlapaz kaya ako ang ipinadala rito. Mauuna na rin po ak
