NANDITO ako sa opisina ni Rey ngayon, as an observer. Pinapunta ako ni Jasper dito para raw matutunan ko ang mga pasikot-sikot sa training and human resources. Kanina, nasa accounting ako. Para lang akong tangang palista-lista ng puwede kong isulat at tandaan. Ilang araw nang ganito. Wala naman akong magawa kundi sumunod. Pero alam ko, sabi ng radar ko, iniiwasan niya ako.
Mula noong gabing nag-overtime kami at dinala niya ako sa duplex niya, ganyan na siya. Kakausapin ako at hindi. Ang tagal ng sumpong niya at hindi ko talaga siya maintindihan. Iniisip ko pa rin kung mayroon ba akong nahawakan sa katawan niya na ikinagalit niya. Ulo, balikat at braso. May pilay ba siya at ganoon na lang ang pagkainis niya na minasahe ko siya? Noong una, para pa ngang nag-e-enjoy siya, ah! Kapag nagkita
