TANGHALI na ako nagising kinabukasan. Wala namang pasok sa opisina ngayon kaya hindi ako nagmamadali. Hindi rin kasi ako nakatulog agad. Maraming gumugulo sa isip ko. Ang mga naganap nang nagdaang gabi. Paano kung ipahanap ni Don Diego si Venus? Paano kung magtanong siya kay itay? Siguradong alam ni itay na ako iyon. Alam niyang kaya kong magpanggap.
Bahala na nga lang. Kumilos na lang ako at nagbihis. Dating gawi. Girdle, long sleeves polo, makapal na t-shirt at jacket. Eyeliner, patilya, manipis na bigote at balbas. Gel sa buhok, suklay paitaas. Maluwag na pantalon, medyas at sport shoes.
Sabi nga ni Spongebob, another day, another nickel. Bagong araw at panibagong pambayad utang. Ito na ang buhay ko. Masasanay din ako.
Tahimik ang kabahayan. Maaliwalas na ang paligid. Walang bakas n
