"A-ANONG ginagawa mo rito? Gabi na, ah." Aniyang paika-ikang hinila ang silya at pabagsak na naupo.
"K-Kumuha lang ng tubig." Para matighaw ang uhaw at init. Pero mukhang mas pinagpapawisan yata ako.
"Tss, nakalimutan kong may sugat ako. Nabasa tuloy. Baka matagalan pa lalo ang paggaling nito." Nakatutok ang kanyang mga mata sa kanyang binti na may mumunting sumirit na dugo sa mga hiwa. Napakunot noo ako. At nadampian ko ng palad ang ulo ko na nasugatan sa gubat na iyon. Hindi na nga kumikirot. Maging ang braso ko ay maayos-ayos na rin. Ngunit etong si Jasper, matigas talaga ang ulo.
"Sino ba kasing nagsabi sa ‘yong mag-swimming ng dis-oras ng gabi?" Iritadong tanong ko at tinabihan agad siya para mas lalong masipat ang sugat niya.
"I used to swim here before going to bed. Saka mainit
