MABILIS na tumayo si itay mula sa kinauupuan at tila leon na handa akong sakmalin. Hindi man lang niya naisip na may benda pa ang ulo at braso ko. Na kagagaling ko lang ng ospital. Wala man lang ba kahit manipis na concern galing sa kanya?
Bago pa ako nakailag ay may katawang humarang sa pagitan namin ni itay. "Mang Berting, hindi ako papayag na saktan n’yo si Moon." Si Jasper na seryoso ang tinig. Hindi ko na makita ang reaksyon niya dahil likod lamang niya ang nasa harapan ko ngayon.
"Berting, maupo ka! Ako ang magdedesisyon dito!" Mariing pahayag ng Don na ngayon ay nakatutok ang mga mata kay Jasper.
"Patawad po, Don Diego." Bumalik si itay sa kinauupuan niya. Sa harap ng malaking mesa ng Don. Nakakuyom ang palad na tila anomang oras, bawat pagkakamali ko ay sasaktan niya ako.
"I do
