Caia’s POV
"Wow? Is that you, Caia?" namamangha at natutuwang tanong ni Lara sa akin sa halip na sagutin ang tanong ko.
Kamote. Ano bang ginagawa at pinagsasasabi nito?
"Huh?" tanging naitugon ko.
"I mean, nagyayaya ka talaga? Ikaw ba talaga iyan o may nakasanib sa iyo?"
Naiikot ko ang mata ko dahil sa sinabi nito. "Kung ayaw mo, huwag na. Ako na lang mag-isa," pagbawi ko sa sinabi ko kanina.
"Wow ulit. Ang bilis namang magbago ng isip mo. Pero siyempre gusto ko, ‘no,” mabilis na tugon nito.
Umismid ako.
“Nasorpresa lang kasi ako at marunong ka nang magyaya ngayon, samantalang noong una ay halos sapilitan pa, kailangan na may halong pananakot o pagbabanta at ipinagpapaalam pa kita sa Papa mo kapag niyayaya kita para lang sumama, tapos nitong mga nakaraan lang medyo nagbago dahil p
