“Makasumbat akala mo naman ay napakagaling niyang tao! Siya kaya itong nagsinungaling para lang magipit ako at magpakasal sa kanya!” naiini kong sambit ngunit hindi ko magawang lakasan ang boses ko dahil baka mamaya ay marinig ako nina nanay at tatay.
“My, sino pong kinakausap niyo?” tanong ni Riel na binitawan ang hawak niyang krayola at saka nagtatakang lumapit sa akin.
Napatingin tuloy ako sa mukha ni Riel na nahahawig na talaga sa mukha ng kanyang Daddy lalo ngayon at nakatali ang kanyang mahabang buhok.
Kung magkamukha na sila ngayon at paano pa kaya sa mga susunod pang mga taon?
Paano ko pa maililihim ang sikreto ko kung ang mismong panahon na ang unti-unting nagpapakita kung anong totoo.
“Wala naman, nak. Iniisip ko lang kung gusto mo ba tayong magpunta ng plaza? Iyong pinuntah
