BINATI SIYA ng guard nang makarating siya sa harap ng munisipyo. Sa ilang minuto niyang paglalakad halos lahat bumabati parang noon. Sa hiya hindi na lamang niya pinapansin. Hindi siya donya para yukuan kaya naiilang siya.
Suot ang plain blue t'shirt at loose jeans nagtungo siya doon. Sinuot rin niya ang maputik na sapatos.
Agad na tumayo ang lalaking nasa loob ng isang cubicle malapit sa pintuan ng office ni Mayor. "Magandang hapon ho, Boss Andrei."
Ngumiti siya. "Pwede ba akong pumasok?" Itinuro niya ang pinto.
Tumingin naman ito doon. "Wala naman hong ginagawa ngayon si Mayor," imporma nito. Tumayo ito at akmang kakatok sa pinto ng opisina nang bumukas ang pinto at bumungad sa kanila ang isang mestisang babae. Kung tama ang tantsa niya nakasuot ito ng six inches black heels kaya
