"Analyn, may naghahanap sa 'yo."
Nilingon ko si Ate Senna. Galing siya sa counter at nilapitan ako rito na abala sa paglista ng mga stocks na kulang sa aking tindahan. Nasa harap ko naman si Baby Zac, natutulog sa stroller nito.
"Sino ho, ate?"
"Hindi ko kilala, eh. Ngayon ko lang nakita. Pogi pero mukhang mabisyong lalaki. Ang daming hikaw."
Kumunot ang noo ko. Sino kaya yun? Tumayo ako at lumabas sa shelves na nakaharang sa harap. Pagtingin ko ay muntik na akong mapatakbo pabalik sa loob.
"Aning!"
Kaagad akong kinabahan. "C-Carlos!"
Ngumiti ito at itinapon ang chewing gum na nginunguya. Dati ay yusi ang itinatapon nito kapag kaharap ako, ngayon ay chewing gum na.
Lumapad pa ang ngisi nito nang lumapit ako. Tumingkad ang kulay nito, lalo na sa puting t-shirt nito na loose. May
