Daily routine ko na ang gumising sa umaga na wala sa tabi ang baby. Kinukuha ito ni Adrian at pinapainitan sa araw. Pagkatapos niyang asikasuhin ang baby ay siya rin ang naghahanda ng almusal, naglilinis, naglalaba sa automatic machine. Wala na akong ibang iniintindi pa kundi ang sarili. Pagkatapos ng lahat ng gawain ay kinakausap naman niya si baby sa crib, nilalaro at kung anu-anong itinuturo. Para siyang walang kapaguran, walang pahinga. Minsan ay ipinapasyal niya sa labas, tumatambay sila sa duyan at nakikipagharutan sa mga aso.
Breastfeed ang baby kaya kada dalawang oras ay ibinabalik niya sa akin ang anak ko. At habang pinapasuso ko ang bata ay saka naman siya haharap sa kaniyang laptop upang magtrabaho. Totoo ngang isa siyang licensed doctor, pero nasa firm na siya ngayon ng kanila
