"Ano 'to, nay?" nagtataka kong tanong nang iabot sa akin ni inay ang isang sobre habang nagmemeryenda sa may kusina.
Pagkatapos ay umupo siya sa upuang nasa kabilang side ng island table.
Ilang araw na lang kasi ay kasal na namin ni Adrian kaya lumipad na agad sila rito sa Isla sakay ang private chopper nina Adrian. Kasama nila si ate at ang pamangkin ko. Napasama rin si Carlos at aling Azon.
"Basahin mo na lang," ani inay.
Binuksan ko ang liham.
(Anak, patawarin mo ang Tatay. Alam kong madami akong pagkakamali't pagkukulang sa inyo bilang ama, pero sana ay mapatawad niyo ako. Mahal ko kayo kahit ganito ako. Kayo lang ang pamilya na itinuturing ko.)
Pagkatapos kong mabasa ang laman ay napabuntong-hininga ako. Biglang nanikip ang d*bd*b ko.
"Ano'ng masasabi mo?" tanong ni inay na i
