NAPANGISI si Ava. Mabilis siyang kumilos pagkuwan. Isa-isa niyang inalis ang disguise niya – na inilalagay na niya kapag lumalabas siya sa ganoong oras simula ng mangyari ang ‘engkuwentro’ ni Marco ng gabing iyon - at inilagay ang mga iyon sa paanan niya. Ilang sandali pa ay lumitaw ang pagiging Ava niya.
Itinira niya ang wig at hinayaan iyong nakalugay. Ang kalahati ng buhok niya ay isinabog niya sa likod habang ang iba ay bahagya niyang itinakip sa kalahating mukha niya. Saka niya pinabalasik ang anyo. Pinatalim niya ang mga mata at pinatigas niya ang anyo. Nang matiyak na nasa gitna na ng pagtatalik sila Marco at Melissa ay dahan-dahan siyang lumabas sa pader na pinagtataguan. Saka siya lumabas ng komedor at naglakad ng mabagal papunta sa dalawa. Pero hindi siya masyadong lumapit sapa
