CHAPTER 16
Flor
Pagkatapos ng ulan, biglang bumigat ang pakiramdam ko. Siguro dahil sa lamig, o baka dahil sa lahat ng nangyari. Basang-basa pa rin ako kahit nakapalit na ng damit, at kahit tinuyo ko na ang buhok ko, parang lumalamig pa rin ang katawan ko.
“Ang init ng ulo ko, pati katawan ko yata nadamay,” mahina kong sabi habang hinahaplos ang noo ko. Mainit. Para akong sinisindihan sa loob.
Lumipas ang ilang oras, pero hindi nawala ang lagnat ko. Nilukuban ako ng antok, kaya humiga ako sa kama, nakabalot sa kumot. Ramdam kong umiinit lalo ang balat ko. Mabigat ang ulo ko, at kahit gusto kong bumangon para maghanda ng hapunan, hindi ko na kaya.
Nang marinig ko ang pagbukas ng pinto, napadilat ako.
Si Norwin. Nakasuot ng simpleng puting t-shirt, basa pa ang buhok, halatang kagagalin
