Kabanata 22
Flor
Tanging huni lang ng mga kuliglig sa labas at mahinang kaluskos ng hangin sa mga dahon ng mangga ang naririnig ko mula sa bintana ng kuwarto ko. Dito sa bahay sa Forest Village. Pagkatapos namin kumain ni Mama, pumasok na ako dito sa silid ko.
Nakahiga ako sa kama, nakatingin sa kisame. May mga nakasabit na glow-in-the-dark stars mga stickers na nilagay ko pa noong high school ako. Ilang taon na rin pala ang lumipas, pero heto ako, bumabalik sa silid na dati kong takbuhan kapag may problema. Nakakatawa, pero parang wala pa ring nagbago. Ako pa rin ‘yung Flor na tumatakbo palayo kapag hindi na niya kayang intindihin ang gulo sa paligid niya.
Nilingon ko ang cellphone ko sa tabi ng unan. Alas-diyes na ng gabi. Naka-off ang ilaw, tanging mahinang liwanag lang mula sa lamp
