I WOKE up with a mild hangover. Nagising ako dahil sa amoy ng kape. Pagmulat ko ng mga mata ay mukha ni Mattie kaagad ang bumungad sa akin. Akala ko noong una ay nananaginip lang ako. She looked like an angel. She was just too exquisite. Noong una ay inakala ko na isa lang siyang aparisyon.
“Wake up, sleepyhead,” nakangiti niyang sabi.
Nagsasalubong ang mga kilay na nagsimula akong bumangon. Nasapo ko ang aking ulo.
“Hindi rin gaanong maganda ang pakiramdam ni Kuya,” natatawang sabi ni Mattie habang nauupo sa gilid ng kama. “Mommy’s kinda upset. Si Ninang din. Bakit daw ang bilis ng panahon. Baka kamukat-mukat daw nila, magpapakasal na kayo.”
Napangiti ako kahit na talagang hindi maganda ang kondisyon ng ulo ko.
“Dinalhan kita ng kape.” Iniabot niya sa akin ang isang mug ng umuusok na
