Khylle's Pov:
Ang arson cold case na napiling imbestigahan ni Detective Joseff ay nangyari sa bayan ng Labreska, tatlong oras ang layo mula rito sa lungsod ng Ildefonso. At naganap ang insidente sa ikatlong araw ng huling buwan ng taong 2012.
Sa sentro ng Labreska, malapit sa lugar kung saan ay isinasagawa ang redevelopment project sa bahaging iyon noon ay may nakatayong malaking pabrika ng tela, ang Lilies' Textile. Ang nasabing pabrika ng tela ay pag-aari ng mga Ascan, ang isa sa mayayaman ngunit maituturing na isa sa mabuting pamilya sa Labreska.
Ang Lilies' Textile ay binubuo ng mahigit na limandaang empleyado at ni kahit isa sa mga iyon ay walang naging reklamo sa may-ari. Maganda ang relasyon bilang employee-employer ng dalawang panig. Bukod sa magandang pasahod ay may mga medi
