Khylle's Pov:
Nanatiling tahimik lang si Nick. Hindi ko alam kung naunawaan n'ya ang mga sinabi ko ngunit mukha namang kahit paano ay nakatulong ang mga sinabi ko para makapag-isip s'ya nang maayos.
"Hindi ka pa ba babalik sa loob?" maya-maya ay tanong ko. "Miss ka na ni Ren, kanina ka pa raw n'ya tinatawagan pero hindi ka n'ya makontak."
Bahagyang natawa si Nick. Naiiling pa s'ya nang tumayo.
"Stress na rin si Silver sa isang 'yon," naaaliw na dagdag ko pa. "Mas mabuting bumalik ka na sa loob bago pa mamuti lahat ng buhok ni Silver dahil sa kakulitan ni Ren."
"Nakapatay kanina ang cellphone ko. Ayoko muna ng kausap kaya hindi ko binubuksan iyon pero tama ka, Miss Madrigal." Nakapamulsang humarap sa akin si Nick. Mas maaliwalas na ang mukha n'ya ngayon. "Kung gusto ko talagang malaman
