Khylle's Pov:
Hindi ko alam kung ano ang mararamdaman ko. Magaan rin ang mga paa ko habang papasok sa tahanan ng mga Cortez. Magkahalong kaba at takot ang nasa dibdib ko na hindi ko maintindihan. Namamawis at nanlalamig din ang mga kamay ko.
Sino ba namang mag-aakalang sa halip na si Detective Joseff ay ang ama n'ya ang makikita ko rito sa tahanan nila? Hindi rin nakalampas sa akin ang nagtatakang tingin ng katulong na nagbukas sa akin kanina.
Nasaan na si Detective Joseff? Bakit parang pakiramdam ko ay wala s'ya rito sa bahay nila? Pinapunta n'ya ba ako rito nang wala s'ya? Anong sasabihin ko sa ama n'ya? At paano ko pakikitunguhan ang taong may pinakamataas na posisyon sa buong kapulisan?
Mabagal ang bawat hakbang ko at ingat na ingat ako para hindi makagawa ng kahit anong ingay haba
