Khylle’s Pov:
Napatigil ako sa paglalagay ng ilang gamit sa backpack ko. Wala sa sariling napaupo ako sa kama at napahinga nang malalim. Hindi ko talaga maiwasang hindi mag-alala sa nangyayari ngayon sa KST. At hindi ko rin alam kung bakit hinayaan ko si Detective Joseff na harapin si Brixx. Hindi na n’ya dapat ginawa iyon dahil problema naming dalawa ng superior ko iyon.
Iba man ang sinabi n’yang dahilan n’ya sa pagharap kay Brixx ay nasisiguro kong mabubuksan din ang paksang iyon sa pagitan nila. Ano na lang ang mangyayari kung magkainitan sila ng ulo?
Kilala ko si Brixx, hangga’t maaari ay hindi s’ya papatol sa kahit sino at kahit anong dahilan. Mahaba ang pasensya n’ya at hindi s’ya ang tipong magpapadala sa emosyon n’ya gaano man kasama ang loob n’ya. S’ya ang tipo ng taong mas g
