Khylle's Pov:
Maingat na isinara ko ang pinto at dahan-dahang lumapit sa kamang kinahihigaan ni Detective Joseff. Ingat na ingat ako sa paghakbang kaya walang nalikhang ingay ang mga yabag ko.
Nang tuluyan na akong makalapit sa natutulog na lalaki ay nakagat ko na lang ang labi ko habang nakatingin sa mapayapa n'yang mukha. Nabaril s'ya ngunit tila hindi n'ya iyon ininda dahil para lang s'yang natutulog sa itsura n'ya ngayon.
Hindi ko naiwasang hindi mapahinga nang malalim.
Papunta pa lang kami rito ay tapos na ang operasyon n'ya at natanggal na ang balang bumaon sa katawan n'ya. Alam kong nasa ilalim pa rin s'ya ng anesthesia pero gustong-gusto ko nang makitang gumising s'ya. Sa oras na magising s'ya ay doon pa lang tuluyang mapapanatag ang loob ko.
Hinila ko ang upuang nasa gilid ng
