Khylle's Pov:
"Let's check this place first," marahang utos ni Detective Joseff.
Kaagad namang kumilos ang mga kapwa-detective n'ya at kaniya-kaniya silang suri sa mga bagay na narito sa silid na kinalalagyan namin. Halos bakante ang silid dahil anim na upuan at isang may karaniwang sukat na lamesa lang naman ang laman ng silid.
Ngunit dahil na rin sa nangyari noong nakaraan, hindi pa rin nagpabaya ang mga detective. Maging ang bawat bahagi ng dingding at kisame ay masusi nilang sinuri. Wala silang pinalampas na sulok at maging ang sahig ay tiningnan nila upang masigurong ligtas ang silid na kinalalagyan namin.
Kababalik lang namin dito sa lungsod ng Ildefonso at kasalukuyan kaming narito sa isa sa mga bakanteng silid dito sa KST. Isa ito sa ilang conference room ngunit mukhang binakan
