Khylle's Pov:
Sa General Hospital ng Ildefonso kami dumiretso.
Naging mabilis ang biyahe namin dahil ikinabit ni Detective Joseff ang electronic siren sa bubong ng sasakyan n'ya at binuhay ang sirena niyon. Dahil doon, kahit traffic ay mabilis kaming nakarating sa destinasyon namin.
Nakapag-park agad ang lalaki at ngayon nga ay nakaalalay s'ya sa akin habang lakad-takbo naming tinutungo ang entrada ng ospital. Sa emergency room kami dumiretso ngunit wala na roon si Tito Colorado. Itinuro kami ng nurse sa kinalalagyan ng operating room kaya kaagad kaming tumakbo papunta roon.
Malayo pa lang ay nakita ko na ang dalawang staff ng restaurant namin na magkayakap na umiiyak habang nakaupo sa sahig. Nakasandal sila sa nakasarang pinto ng operating room.
Kaagad na dumako ang mga mata ko sa
