Khylle's Pov:
Muli kong tiningala ang ikatlong palapag, ang bahagi kung saan nahulog si Roxanne. May kataasan iyon kaysa pangkaraniwang palapag, kaya ganoon na lang ang pinsalang tinamo ng katawan ni Roxanne. May ganitong description din ang report na lumabas sa ginawang autopsy sa bangkay n'ya.
Mainit ang sikat na ibinibigay ng araw kaya nakatakip pa ang kamay ko sa mga mata ko para hindi ako masilaw sa init. Maalinsangan din ang pakiramdam na dala ng hangin kung kaya mas dumagdag pa iyon sa hindi magandang dulot ng panahon. Nakalimutan ko magdala ng sombrero.
Ikatlong araw na namin ngayon sa pag-iimbestiga sa kaso ni Roxanne. Nasanay na rin siguro ako sa bigat ng mga cold cases na nahahawakan namin kaya hindi na ako naiinip sa paghahanap ng ebidensya. Humahaba na ang pasensya ko at m
