Mabini ang hanging humahaplos sa balat ko. Mainit na rin ang temperatura na ibinibigay ng araw ngunit nanatiling masarap at malamig sa pakiramdam ang hanging kaakibat ng panahon. Sumasayaw ang mga puno ng kawayan na malayang sinasabayan ng mga uhay ng palay na hitik na hitik sa mga ginintuang butil.
Naaaliw na pinagsawa ko ang mga mata sa kagandahang araw-araw kong natatanaw. Naging ugali ko nang pumunta sa gawing ito ng burol para tanawin ang masaganang parteng ito ng kalikasan.
Dalawang buwan na mula nang mangyari ang pinakanakakatakot na trahedyang naranasan ko at ganoon na rin katagal buhat nang magdesisyon akong umalis muna ng Ildefonso para kahit paano ay magawa kong kalimutan ang mga nangyari. Alam kong imposible iyon ngunit ang pansamntalang paglayo ang nakikita kong paraan para
