Khylle’s Pov:
Kahit nakaupo ay hindi ko pa rin mapigilang hindi mawalan ng balanse. Mabigat ang katawan ko at nagdudugo na rin ang ilong ko. Ilang beses nang nagdilim ang paningin ko ngunit lagi rin naman akong nagigising dahil sa alinsangan ng hangin.
Sagana sa puno ngunit hindi presko ang hanging ibinibigay ng mga iyon. Humalo na rin doon ang lansa ng dugong nagmumula sa mga sugat ni Chairman Nietre.
Pinilit ko ang sariling lingunin si Chairman Nietre. Nasa ganoong sitwasyon pa rin s’ya at hindi ako sigurado kung humihinga pa s’ya. Kanina pa s’ya roon at kapag nagtagal pa kami rito ay baka maubusan na s’ya ng dugo. Ilang beses din s’yang binaril ni Tito Colorado at sigurado akong hindi maganda ang kalagayan n’ya.
Nasapo ko ang ulo ko nang subukan kong tumayo. Hilong-hilo ako at hind
